भारतीय रिज़र्व बैंक रेपो रेट मांय 50 आधार अंकां री कटौती रो ऐलाण कीनो है। लगातार तीजी दफ़ा कटौती पछे अब रेपो रेट साढ़े पांच फ़ीसदी रह ग्यी है। आर.बी.आई रा ईं फैसला ऊं कर्ज सस्ता व्हेवण रा आसार है। ईं सागे ई तरलता समायोजन सुविधा -एल.ए.एफ़ रा तैत स्थायी जमा सुविधा- एस.डी.एफ़ री रेट सवा पांच फीसदी रा लेवल माथे राख्यी ज्यी है। सीमांत स्थायी सुविधा -एम.एस.एफ़ अर बैंक रेट पौने छः फीसदी रा लेवल माथे समायोजित करी ज्यी है।