भारतीय जनसंघ रा संस्थापक डॉ. श्यामा प्रसाद मुखर्जी ने सोमवार ने वां री बरसी रे मौके सिरधाभाव सागे याद कर्या जा रह्या है। ईं मौके प्रधानमंत्री नरेंद्र मोदी सोशल मीडिया पोस्ट रे जरिये कह्यो के डॉ. मुखर्जी देश री अखंडता बणायी राखण सारू ज़बरदस्त हिम्मत रो दरसाव कीनो। भारतीय जनता पार्टी रा राष्ट्रीय अध्यक्ष जगत प्रकाश नड्डा ई डॉ. मुखर्जी रा योगदान ने याद करता थकां कह्यो के श्यामा प्रसाद मुखर्जी स्वतंत्रता सेनानी अर समाज सुधारक हा। डॉ. मुखर्जी रा बलिदान दिवस रे मौके जयपुर मांय राख्यी ज्या कार्यक्रम मांय मुख्यमंत्री भजनलाल शर्मा कह्यो के वे प्रखर राष्ट्रवादी विचारक हा। श्री शर्मा कह्यो के डॉ. मुखर्जी भारत रा एका अर देश ने सांस्कृतिक तौर ऊं ओजू जगावण सारु पूरी ज़िन्दगी लगा दीनी। बांसवाड़ा, चूरू, पाली, डूंगरपुर, झुंझुनूं अर श्रीगंगानगर समेत न्यारा-न्यारा जिलां मांय ई डॉ. श्यामा प्रसाद मुखर्जी ने सिरधाभाव सागे याद करी ज्या।