भारतीय जनता पार्टी दीतवार ने आप रो 46वो थापना दिवस मना री है।प्रधानमंत्री नरेन्द्र मोदी अर भाजपा रा राष्ट्रीय अध्यक्ष जे.पी. नड्डा थापना दिवस रे मौके पार्टी कार्यकर्तावां ने बधाई दी। इण मौके श्री नड्डा कह्या के भाजपा सत्ता खातर आप री विचारधारां सूं समझौता नी कर्यो है। थापना दिवस रे मौके नई दिल्ली रा पार्टी मुख्यालय मांय कार्यकर्तावां ने संबोधित करता थकां वे कह्या के पार्टी री विचारधारा भारतीय परंपरा अर संस्कृति सूं जुड़ी व्ही है। श्री नड्डा जनसंघ अर भाजपा रा संस्थापक श्यामा प्रसाद मुखर्जी, पंडित दीन दयाल उपाध्याय, अटल बिहारी वाजपेयी, लाल कृष्ण आडवाणी अर जगन्नाथ राव जोशी ने याद कर्या। अठिने, जयपुर मांय थापना दिवस रो राज्य स्तरीय कार्यक्रम राख्यो गयो। इण मौके प्रदेश भाजपा कार्यालय मांय मुख्यमंत्री भजनलाल शर्मा अर पार्टी प्रदेश अध्यक्ष मदन राठौड झंडा रोहण कर र विशेष प्रदर्शनी रो उद्घाटन कर्या। कार्यक्रम मांय केई मंत्री, विधायक अर बड़ी संख्या मांय पार्टी कार्यकर्ता शामिल व्ह्या। न्यारा-न्यारा ज़िला मांय भी थापना दिवस समारोह मनायो जा रह्यो है। थापना दिवस कार्यक्रमां री कड़ी 13 अप्रैल तांई चालेला।