बीकानेर तकनीकी विश्वविद्यालय रा सोमवार ने राख्यी ज्या तीजा दीक्षांत समारोह मांय चार हजार ऊं बत्ता विद्यार्थियां ने डिग्रियां दीरीजी अर अव्वल रेहवण वाळा 27 होशियार विद्यार्थियां ने सोना रा तमगा दे र नवाज़ी ज्या। जळसा मांय राज्यपाल हरिभाऊ बागड़े विद्यार्थियां ऊं सकारात्मक भाव राख र आगे बधबा सारु कह्यो। वे नौजवानां मांय नशा री बधती लत माथे ई चिंता जतायी। समारोह मांय विधानसभा अध्यक्ष वासुदेव देवनानी कह्यो के ऑपरेशन सिंदूर देश रा तकनीकी ज्ञान री नायाब मिसाल पेश कीनी है। जळसा मांय केन्द्रीय मंत्री अर्जुनराम मेघवाल अर उपमुख्यमंत्री डॉ. प्रेमचंद बैरवा ई वां रा विचार बताया।