प्रधानमंत्री नरेन्द्र मोदी शुक्रवार ने जम्मू-कश्मीर रा कटरा मांय चेनाब पुल अर अंजी खण्ड पुल रो उद्घाटन कीनी। ईं मौके वे कह्यो के देश अब कश्मीर ऊं कन्याकुमारी तांई रेल ऊं जुड़ ग्यो है। श्री मोदी 46 हजार करोड़ रुप्या ऊं बत्ता खर्च वाळी विकास री केई परियोजनावां रा काम री नींव रखी अर पूरी व्ही परियोजनावां जनता ने सूंपी। श्री मोदी कह्यो के जम्मू-कश्मीर रो विकास भारत रा एका रो ऐलाण है। प्रधानमंत्री कह्यो के पीर पंजाल री मुश्किल पहाड़ियां मांय बणायी ज्या चिनाब अर अंजी पुल भारत रा इंजीनियरिंग बूता री जीती-जागती निशाणी है। वे कह्यो के कश्मीर रा सेब अब कम खर्च अर कम बगत मांय देशभर रा बाजारां तांई पूग सकेला।