प्रधानमंत्री नरेंद्र मोदी ’वोकल फॉर लोकल’ माथे जोर देवता थकां लोगां सूं भारत मांय बण्या उत्पादां माथे भरोसो करणे अर वां ने खरीदने री अरज करी । आज नुवी दिल्ली मांय लगेटगे 11 हज़ार करोड़ रुपया री दो खास राष्ट्रीय राजमार्ग परियोजनावां रो उद्घाटन करता व्ह्या श्री मोदी कयो कि आगली पीढ़ी रे जीएसटी सुधार, देशवासियां खातिर दोहरो फायदो लेर आवेला। श्री मोदी कयो वां री सरकार खातिर सुधार रो मतलब सुशासन रो बधावो है। वणा कयो कि वां री सरकार रो लगोतर प्रयास लोगां रे जीवन ने आसान बणाणो है। श्री मोदी ओ भी कयो कि ओ ई लक्ष्य हर नीति अर हर निर्णय रो मार्गदर्शन करे है। ध्यानजोग है कि आ परियोजनावां रे पूरो होणे सूं दिल्ली अर वां रे आसे-पासे रा खेतर मांय कनेक्टिविटी मांय चोखो सुधार व्हेला अर यात्रा मांय सुगमता रे साथे बखत मांय भी कमी आवेला। इण सूं दिल्ली रे माइने अर बाहरी खेतरां रे साथे-साथे चहल-पहल वाळी जगावां माथेयातायात सुगम व्हे जावेला।