प्रदेश मांय शुक्रवार ने ई केई ठोड़ां अंधड़ अर हल्की बारिश व्हेवण रा आसार है, हालांकि जोधपुर, उदयपुर, चूरू अर बाड़मेर समेत केई ठोडां लू बाज रही है। मौसम विभाग ऊं मिली जाणकारी रे मुजब जोधपुर, बीकानेर, अजमेर, जयपुर अर भरतपुर संभाग मांय कठे-कठे बिरखा व्हेवण अर ज़ोरदार बायरो बाजण री संभावना है। लारला 24 घंटां मांय सब ऊं बत्तो 46 दशमलव 7 डिग्री सैल्सियस तापमान जैसलमेर मांय दर्ज करी ज्यो। मौसम केन्द्र जयपुर रा निदेशक राधेश्याम शर्मा बतायो के प्रदेश मांय 7 मई तांई आंधी-बारिश चालता रेहवण री संभावना है।