प्रदेश मांय मंगलवार ने ई केई ठौड़ां आंधी चाली अर बारिश व्ही। झालावाड़, चूरू, हनुमानगढ़ अर श्रीगंगानगर समेत केई ठौड़ां बिरखा व्ही। सूरतगढ़ ज़िला रा राजियासर हलका मांय ओळा पड़्या। श्रीगंगानगर मांय तेज़ गरज़ सागे बिरखा व्हेवण रे दौरान दिन मांय ई अंधारो व्हे ग्यो। मौसम विभाग रे मुजब लारला 24 घंटां मांय झालरापाटन अर रामगंजमंडी मांय 8-8 सेंटीमीटर पाणी बरस्यो। जयपुर, जोधपुर, बीकानेर, भरतपुर अर कोटा संभाग मांय काल हल्की ऊं मझला दर्जा री बिरखा रा आसार है, जद के उदयपुर अर जोधपुर संभाग मांय कठे-कठे तेज अंधड़ सागे बिरखा व्हेवण री संभावना है। मौसम महकमा रे मुजब पांच जून तांई ऐड़ो ई मौसम रहवण रा आसार है, जद के 6 जून ऊं तापमान मांय 3 ऊं 5 डिग्री सेल्सियस तांई री बधोतरी री संभावना है।