प्रदेश मांय बोर्ड रा इम्तिहान पाछे शिक्षकां रा तबादलां रो काम सरू करण री योजना है। शिक्षा मंत्री मदन दिलावर चित्तौडगढ़ रा श्री सांवलियाजी मांय चाल रह्या राजस्थान शिक्षक संघ रा प्रदेश शैक्षिक सम्मेलन मांय आ जाणकारी दीनी। वे कह्यो के बोर्ड रा इम्तिहान पाछे अध्यापकां रा तबादला रा बारा मांय नीति बणायी जावेला। दूजी कानी झुंझुनूं मांय शुक्रवार ने राजस्थान शिक्षक संघ सियाराम रो प्रांतीय अधिवेशन सरू व्ह्यो। दो दिन रा ईं सम्मेलन रा उद्घाटन जळसा मांय नगरीय विकास अर आवासन मंत्री झाबर सिंह खर्रा कह्यो के शिक्षकां ने गंभीरता सागे दायित्व पूरा करता थकां नुवी पीढ़ी तैयार करणी चाहिजे। श्री खर्रा कह्यो के नगरीय हलकां मांय सीमा विस्तार रा मामला माथे विचार सारू मंत्रिमंडलीय उपसमिति बणायी ज्यी है।