प्रदेश मांय दीतवार ने झालावाड, चूरू, बाडमेर अर बालोतरा समेत केई ठोडां माथे जोरदार गर्मी अर लू रो असर रियो। बीत्या 24 घंटां मांय बाडमेर मांय बत्तो तापमान 43 दशमलव 9 डिग्री सेल्सियस मापी ज्यो। इण रे इतर, धौलपुर, जैसलमेर, फलौदी, बीकानेर अर श्रीगंगानगर मांय भी पारो 43 डिग्री सेल्सियस रे पार दरज व्ह्यो। मौसम महकमा रे मुजब सोमवार सूं बत्ता तापमान मांय 2 सूं 3 डिग्री सेल्सियस री बढोतरी रा आसार है। जोधपुर अर बीकानेर संभाग मांय कुछेक ठोडां माथे तापमान 44 सूं 46 डिग्री रे बीच रह सके है।