प्रदेश मांय थावर ने दुर्गाष्टमी रीत मुजब सिरधा भाव सागे मणायी जा रही है। ईं मौके देवी मिन्दरां मांय मां दुर्गा री खास पूजा-अर्चना करी ज्यी। घरां मांय ई कन्या पूजन करी ज्यो। काल राम नवमी मणायी जावेला। राम नवमी रे मौके न्यारी-न्यारी ठौड़ां शोभा यात्रावां निकाळी जावेला अर धार्मिक आयोजन राख्या जावेला। राज्यपाल हरिभाऊ बागडे़ जनता ने राम नवमी री शुभकामनावां दीनी है। वां रा संदेश मांय राज्यपाल कह्यो के भगवान राम री ज़िन्दगी मुश्किल हालात मांय ई नैतिकता, सदाचार, त्याग अर सच्चाई रा गेला माथे चालण री सीख देवे है। वे सगळां री सुख-समृद्धि अर संपन्नता री कामना कीनी।