प्रदेश मांय चाल रह्या वंदे गंगा जल संरक्षण जनअभियान रे तैत पाणी बचावा रा केई काम कर्या जा रह्या है। थावर ने बालोतरा ज़िला रा समदड़ी पंचायत समिति री लालाना ग्राम पंचायत रा मांगला मांय ताळाब मांय श्रमदान कर्यो गया। इण मौके लोग तालाब सूं मिट्टभ् काडी अर पौधा लगाया। वठिने झुंझुनूं मांय अभियान रे तैत श्री गोपाल गौशाला मांय वर्षा जल संरक्षण खातर बणाया गया दो स्ट्रक्चरां रो लोकार्पण पैली रा केंद्रीय मंत्री कैलाश चौधरी कर्या। वठिने बाड़मेर ज़िला मांय भी अभियान रे तैत केई गौशालावां मांय स्वच्छता अभियान चलायो गयो। बालोतरा री रिछोली ग्राम पंचायत रा रेतीला धोरां मांय महकमो एक बगीचो तैयार कर्यो है। रेतीला धोरा रे बीच बण्या इण बगीचा मांय आंवला, शीशम, बेर, अनार अर नीबू रा पौधा तैयार कर्या गया है। लारला तीन बरसा री कडी मेहनत रे पाछे ओ बगीचो सगळा ने सुकुन दे रह्यो है। जल ग्रहण विकास महकमां रा अधीक्षण अभियंता बताया के वन्दे गंगा जल संरक्षण जन-अभियान रे तैत 37 लाख रिप्यां री लागत सूं बण्या इण बगीचा मांय ड्रिप सिस्टम रे जरिये सिंचाई व्हे री है।