प्रदेश मांय गुरूवार ने केई ठौड़ां छांटो-छिड़को व्हेवण अर कठे-कठे हल्की बारिश रा समाचार है। राजधानी जयपुर मांय गुरूवार ने संवारे ऊं ई बादळा मण्ड़्या रह्या अर कुछ हलकां मांय छांटो-छिड़को व्ह्यो। सवाईमाधोपुर मांय दोपहरां पाछे हल्की बरसात व्ही। दौसा ज़िला मांय केई ठौड़ां रिमझिम बारिश रो दौर चाल्यो। दूजी कानी राज्य रा आतूणी हलकां मांय पारो 44 डिग्री सेल्सियस रे आरे-सारे रह्यो। मौसम केन्द्र जयपुर रे मुजब प्रदेश रा केई हलकां मांय आवता दो-तीन दिन तांई तापमान 45-46 डिग्री सेल्सियस तांई पूगबा री संभावना है। मौसम महकमा रे मुजब नमी बत्ती व्हेवण ऊं उमस भरी गर्मी रेहवण रा आसार है। महकमो गुरूवार ने अर काल कोटा, उदयपुर, भरतपुर, अजमेर, बीकानेर अर जयपुर संभाग मांय कठे-कठे बिरखा व्हेवण रा आसार जताया है।