प्रदेश मांय आथूणी विक्षोभ रो असर गुरूवार तांई बण्यो रहवण रा आसार है। मौसम महकमां मुजब इण ऊं बीकानेर, जयपुर, कोटा अर भरतपुर संभाग मांय कठेई-कठेई आंधी रे साथै बिरखा व्हे सके है। वठे ई 6 जून ऊं आंधी बिरखा री गतिविधियां मांय कमी आवण अर तापमान मांय बढ़वार री आस है। ई बीचे, बीकानेर, जयपुर, अजमेर, कोटा अर भरतपुर संभाग रा कुछ हलका मांय गरज रे साथे हळका ऊं मझळा दर्जा री बिरखा रो सिलसिलो चाले। चूरु ज़िला मांय आज न्यारी-न्यारी ठौड़ां बिरखा व्ही। म्हाणा खबरनवीस बतायो के सरदारशहर मांय एक घंटां तांई मूसलाधार पाणी बरस्यो। इण ऊं केई ठौड़ां पाणी भरीज ग्यो।