पैगंबर हज़रत मुहम्मद साहब रो जन्मदिन ईद मिलाद-उन-नबी शुक्रवार ने धार्मिक उमाव रे साथे मनायो जावे। पैगंबर मुहम्मद री डेढ हज़ारवीं जयंती होवण रे कारण आज रो दिन ख़ास मानी ज्यो। ईं मौके मस्जिदां, दरगाहां अर मुस्लिम बहुतायत हलकां मांय “मिलाद महफिलां“ अर “सीरत सम्मेलन“ आयोजित कर्या जावे। पैगंबर मुहम्मद रा जीवन अर शिक्षा ने दरसावता जुळूस निकाळी ज्या। अजमेर मांय मोहम्मद साहब रा यौमे पैदाइश रे मौके हजरत मोईनुद्दीन हसन चिश्ती री दरगाह ऊं शानो शौकत रे साथे जुळूस निकाळी ज्यो। चित्तौड़गढ़ रा कपासन मांय बारह वफात रे मौके घणी तादाद मांय अकीदतमंद खास मस्जिद मांय नमाज रे पछे एक-दूजा ने मुबारकबाद दी। श्रीगंगानगर मांय निकाळी ज्या जुळूस मांय देशभक्ति रो निजारो देखण ने मिल्यो, वठे तिरंगा रे साथे अकीदतमंद भेळा व्ह्या। डूंगरपुर मांय निकाळी ज्या जुळूस-ए- मुहम्मदी मांय शहर काज़ी री अगुवाई मांय लोगां बैंड-बाजां रे साथे भागीदारी निभाई। जयपुर मांय शहर रा मांय रा हलकां ऊं व्हेता जुळूस निकाळ्यो जावे जो करबला तांई पूगेला। बांसवाड़ा, चूरू, सवाईमाधोपुर अर दूजा जिलां ऊं ई ईद मिलाद-उन-नबी उमाव रे साथे मनाया जावण रा समचार है।