देश मांय ई दफ़ा चौमासा मांय सामान्य ऊं बत्ती बिरखा व्हेवण रा आसार है। मौसम विभाग रे मुजब ईं साल चौमासा री बिरखा बेगी व्हेवण लागी है अर आवता महीना कम दिन तांई लू बाजण रा आसार है। विभाग रा महानिदेशक मृत्युंजय महापात्र बतायो के जून ऊं सितंबर महीनां बीचे व्हेवण वाळी बरसात मौसमी औसत ऊं बत्ती रेहवण री संभावना है। वे कह्यो के आ एक सौ छह फीसदी तांई व्हे सके है। प्रदेश मांय ई हवा मांय नमी व्हेवण ऊं उमस भरी गर्मी पड़ रही है, हालांकि लू मांय मामूली कमी आयी है। मौसम केन्द्र जयपुर रे मुजब काल ऊं पारो उतरण अर लू ऊं साता मिलण री उम्मीद है। ईं बीचे भरतपुर, कोटा अर बीकानेर संभाग मांय आंधी अर बारिश रा बारा मांय ई चेतायी ज्यो है। भीलवाड़ा अर चित्तौड़गढ़ मांय ज़ोरदार गर्मी अर उमस पाछे धूलभरी आंधी चाली अर हल्की बरसात व्ही। लारला 24 घंटां मांय राज्य रा आतूणी हलकां मांय ज़ोरदार तावड़ो पड़्यो। बाडमेर, जैसलमेर, फलौदी, जोधपुर अर चूरू समेत केई ठौड़ां लू बाजी।