दीतवार ने देवशयनी एकादशी रे मौके प्रदेश मांय न्यारा-न्यारा धार्मिक आयोजन कर्या जावे। जयपुर रा आराध्य गोविंद देव जी रा मिन्दर मांय दीतवार ने संवारा ऊं श्रद्धालुआं रो आवणो लाग्यो है। म्हारा खबरनवीस बतायो के करौली रा नामी मदन मोहन जी मिन्दर अर दूजा मिन्दरां मांय देवशयनी एकादशी माथे खास झांकी सजायी ज्यी।
डूंगरपुर मांय धनेश्वर मंडल कानी ऊं शहर रा मुरलीधर मिन्दर ऊं दीतवार ने वन यात्रा रो आयोजन करी ज्यो। वठे ई वनेश्वर महादेव मिन्दर मांय चोखी बिरखा री कामना करता खास पूजा करीजी। डीग जिला रा पूंछरी मांय मुड़िया पूनम ने देखता गोवर्धन री सात कोसी परिक्रमा देवण वाळा रो उमाव परवान माथे है। मुख्यमंत्री भजनलाल शर्मा देवशयनी एकादशी माथे प्रदेशवासियां ने शुभकामनावां देता भगवान विष्णु ऊं सगळा रा कल्याण री प्रार्थना करी। वठे ई प्रधानमंत्री नरेंद्र मोदी आषाढ़ एकादशी रे मौके दीतवार ने देशवासियां ने शुभकामनावां दीनी। आपरा सोशल मीडिया संदेश मांय भगवान विट्ठल ऊं समाज मांय सुख समृद्धि री कामना करी।