थावर ने विश्व तम्बाकू निषेध दिवस मनायी ज्यो। तम्बाकू काम लेवण री रोकथाम करण अर ईं कारण व्हेवण वाळा नुकसाण री जाणकारी देवण सारू विश्व स्वास्थ्य संगठन री ओर ऊं आखी दुनिया मांय कार्यक्रम राख्या जावे है। ईं साल री थीम “अपील का पर्दाफाश : तंबाकू और निकोटीन उत्पादों पर उद्योग की चालों को उजागर करना“ है। विश्व तम्बाकू निषेध दिवस रे मौके प्रदेश मांय ई न्यारा-न्यारा कार्यक्रम राख्यी ज्या। झुंझुनूं रा सूचना केंद्र मांय जनता ने तम्बाकू काम नी देवण रो संदेश दियो ज्यो। सीएमएचओ डॉ. छोटेलाल गुर्जर बतायो के तंबाकू काम लेवण ऊं कैंसर, हाई बी.पी., सांस री बीमारियां अर दिमागी बीमारियां व्हे जावे है। वे इण री रोकथाम सारू मिल र कोशिशां करण माथे ज़ोर दीनो। सवाईमाधोपुर मांय ईं मौके विद्यार्थियां सारू न्यारी-न्यारी होड़ां राख्यी ज्यी अर तम्बाकू निषेध रैली निकाळी ज्यी।