जैसलमेर ज़िला रा रामदेवरा मांय सोमवार ने सरू व्ह्या बाबा रामदेव रा मेळा मांय मोटी तादाद मांय जातरू पूग रह्या है। मेळा मांय शामिल व्हेवण वाळा जातरूआं रा सुबीता सारू रेल्वे खास गाड़ियां चलायी है। रेलवे सोमवार ने ऊं एक और मेला स्पेशल गाड़ी चलायी है, जो जोधपुर कने भगत की कोठी ऊं चाल र आशापुरा-गोमट मेळा तांई पूगेला। बाड़मेर ज़िला मांय बाबा रामदेव रा जन्म री ठौड़ माथे ई आज भादवो मेळो सरू व्ह्यो। बाड़मेर रा सांसद उम्मेदाराम बेनीवाल ध्वाजा चढ़ा र इण री सरूआत कीनी। धौलपुर ज़िला मांय ई लोक देवता बाबू महाराज रो चार दिन रो सालाना मेळो भर रह्यो है जिण मांय आखा देश ऊं जातरू पूग रह्या है। दूजी कानी सवाईमाधोपुर ज़िला रा रणथम्भौर मांय त्रिनैत्र गणेश मेळो काल सरू व्हेला। ईं सारू पैदल जातरू अर भगत वठे पूगण लाग्या है।