जल संसाधन मंत्री सुरेश सिंह रावत बुधवार ने दौसा, करौली अर धौलपुर मांय पाणी ऊं जुड़ी न्यारी-न्यारी परियोजनावां रा काम री नींव रखी अर पूरा व्ह्या काम जनता ने सूंप्या। श्री रावत लालसोट मांय मोरेल नदी माथे बणायी ज्यो समेल एनिकट जनता ने सूंप्यो। वे करौली मांय पांचना बंधा ऊं जुड़्या पुनर्वास अर सुधार रा कामां समेत एनिकट बणावण रा दूजा कामां री नींव रखी। ’वंदे गंगा’ जल संरक्षण-जन अभियान रा तैत सरू करी ज्यी आं परियोजनावां ऊं काश्तकारां अर जनता ने ज़रूरी तादाद मांय पाणी मिल सकेला। ईं मौके श्री रावत जनता ऊं बिरखा रो पाणी भेळो करण री अपील कीनी।