जयपुर डेयरी थावर ने ’सरस लाडो मायरा योजना’ सरू करेला। ईं रा तैत डेयरी ऊं जुड़्या दूध उत्पादकां री बेटियां रा ब्याह मांय 21 हजार रूप्या रो मायरो ले जायो जावेला। जयपुर डेयरी रा प्रबंध निदेशक मनीष फौजदार बतायो के डेयरी खुलण रा 50 साल पूरा व्हेवण रे मौके आ योजना चलायी जा रही है। इण ऊं करीब डोढ़ लाख पंजीकृत दूध उत्पादकां ने फायदो मिलेला। वे बतायो के ईं योजना रो मकसद बाल लिंग अनुपात ने संतुलित करणो अर बालपणा मांय ब्याह रोकणा है।