चिकित्सा मंत्री गजेन्द्र सिंह खींवसर जनता ने मौसमी बीमारियां ऊं बचावण सारू पुख्ता प्रबंध करण रा हुकम दीना है। श्री खींवसर बुधवार ने वीडियो कॉन्फ्रेंस रे मार्फत मीटिंग कर र सगळा ज़िलां मांय चौमासा री बिरखा बीचे मौसमी बीमारियां रे कारण उपजा हालात री जाणकारी लीनी। चिकित्सा मंत्री आं री रोकथाम, जांच अर ईलाज सारू ज़रूरी व्यवस्थावां करण बाबत् कह्यो। चिकित्सा मंत्री अस्पतालां मांय दवाइयां री उपलब्धता अर साज-ओ-सामान ई चालू हालत मांय राखण बाबत् कह्यो। खींवसर नुवा अस्पतालां सारू ज़मीं आवंटन री कार्यवाही माथे खास ध्यान देवण बाबत् ई कह्यो। वे टी.बी. मुक्त ग्राम पंचायत अभियान रा तैत कर्या जा रह्या कामां रो जायजो लेता थकां टी.बी. रा मरीजां री पिछाण कर र जांच करण रा हुकम ई दीना।