केन्द्र सरकार सुप्रीम कोर्ट कॉलेजियम री सिफारिश मंजूर करता थकां राजस्थान हाईकोर्ट मांय सात नुवा जज नियुक्त करण रा हुकम जारी कीना है। ईं पाछे राजस्थान हाईकोर्ट मांय न्यायाधीशां री तादाद पहली दफ़ा 40 ने पार कर ग्यी है। नुवा बणायी ज्या सात न्यायाधीशां मांय ऊं छह वकील बिरादरी ऊं है जद के एक न्यायिक सेवा रा अहलकार है। अधिसूचना रे मुजब आला वकील संदीप तनेजा ने राजस्थान हाईकोर्ट मांय स्थायी न्यायाधीश बणायी ज्या है। वां सागे ई वकील कोटा ऊं बलजिंदर सिंह संधू, बिपिन गुप्ता, संजीत पुरोहित, रवि चिरानिया अर अनुरूप सिंघी ने अतिरिक्त न्यायाधीश रा तौर ऊं नियुक्त करी ज्या है। राजस्थान न्यायिक सेवा री आला अहलकार संगीता शर्मा ने ई अतिरिक्त न्यायाधीश बणायी ज्यी है।