केन्द्र सरकार चौदह सिंयाळू साखां रा सरकारी मोल मांय बधोतरी री मंजूरी दे दीनी है। प्रधानमंत्री नरेन्द्र मोदी री सदारत मांय बुधवार ने व्ही केन्द्रीय मंत्रिमंडल री मीटिंग मांय ईं समेत केई खास फैसला करी ज्या। सूचना अर प्रसारण मंत्री अश्विनी वैष्णव मीटिंग मांय करी ज्या फैसलां री खबरनवीसां ने जाणकारी देता थकां बतायो के कैबिनेट संशोधित ब्याज सब्सिडी योजना ई और आगे चलावण री मंजूरी ई दे दीनी। इण ऊं किसान कम ब्याज परां कार्यशील पूंजी हासिल कर सकेला। मंत्रिमंडल रेलवे री करीब 3 हजार 399 करोड़ रुप्या रा खर्चा वाळी दो मल्टीट्रैकिंग परियोजनावां ने ई मंजूरी दे दीनी। ईं सागे ई न्यारी-न्यारी सड़क परियोजनावां ने ई मंजूरी दीरीजी।