केन्द्रीय मंत्रिमंडल पीएम स्ट्रीट वेंडर्स आत्मनिर्भर निधि योजना ने और बेहतर बणावण अर कर्ज री मियाद 31 मार्च, 2030 तांई बधावण री मंजूरी दे दीनी है। बेहतर बणायी ज्यी योजना रो मकसद 50 लाख नुवा लोगां समेत कुल 1 करोड़ 15 लाख जणां ने फ़ायदो देवणो है। इण ऊं गळी -कूचा मांय सामान बेचण वाळां अर वां रा पिरवार वाळां ने आसानी ऊं कर्ज़ मिल सकेला। ईं सागे ई ही योजना रो दायरो कस्बां अर अर्धशहरी हलकां तांई बधायो जा सकेला। पीएम स्वनिधि योजना रा तैत ईं साल 30 जुलाई तांई 68 लाख ऊं बत्ता रेहड़ी-पटरी वाळां करीब 13 हजार करोड़ रुप्या रा 96 लाख ऊं बत्ता कर्ज़ दिया जा चुक्या है। कैबिनेट राष्ट्र मंडल खेल 2030 सारु बोली लगावण रा युवा अर खेल मंत्रालय रा प्रस्ताव ने ई मंजूरी दे दीनी। अ खेल गुजरात रा अहमदाबाद मांय व्हेला। इण मांय 72 देशां रा एथलीट शामिल व्हेला।