मोबाइल ऐप डाउनलोड करें

android apple
signal

July 16, 2025 6:38 PM

printer

केन्द्रीय गृह अर सहकारिता मंत्री अमित शाह रो गुरूवार ने जयपुर रो दौरो करण रो कार्यक्रम है

 

 

 

 

 

 

केन्द्रीय गृह अर सहकारिता मंत्री अमित शाह रो गुरूवार ने जयपुर रो दौरो करण रो कार्यक्रम है। वे दादिया गांव मांय सहकार अर रोजगार उत्सव रो उद्घाटन करेला। ईं मौके श्री शाह सरकारी महकमां मांय नुवी नौकरी लाग्या 8 हजार नौजवानां ने नौकरी लागण रा कागजात ई सूंपेला। वे पुलिस री 100 नुवी गाड़ियां ने ई हरी झंडी बता र रवाना करेला। वां रो 64 मिलेट आउटलेट्स रो उद्घाटण करण रो ई कार्यक्रम है। श्री शाह दुग्ध उत्पादक सहकारी समितियां ने 23 सौ ऊं बत्ता माईक्रो ए.टी.एम. ई सूंपेला। ईं बीचे सहकारिता मंत्री गौतम कुमार दक बुधवार ने भाजपा रा प्रदेश अध्यक्ष मदन राठौड़ अर जयपुर री सांसद मंजू शर्मा सागे दादिया जा र सहकार अर रोजगार उत्सव री तैयारियां रो जायज़ो लीनो। मुख्यमंत्री भजन लाल शर्मा रो ई ईं कार्यक्रम मांय सिरकत करण रो कार्यक्रम है। ध्यानजोग है के संयुक्त राष्ट्र महासभा साल 2025 ने अन्तर्राष्ट्रीय सहकारिता वर्ष रा तौर ऊं मणावण रो ऐलाण कीनो है। ई रा तैत देश मांय ई केन्द्र सरकार राज्यां ने सहकारिता ऊं जुड़्या 54 काम सूंप्या है। प्रदेश मांय ई सहकार सम्मेलन राख्यो जा रह्यो है। राज्य सरकार सहकार ऊं समृद्धि री भावना सागे समाज रा कमज़ोर तबका री जनता ने मजबूत बणावण सारू काम कर रही है अर प्रदेश रो हर छठो रहवासी सहकारिता ऊं जुड़ ग्यो है। राज्य मांय 313 नुवी ग्राम सेवा सहकारी समितियां बणायी ज्यी है अर 412 कस्टम हायरिंग सेन्टर्स बणायी ज्या है। सहकारी समितियां मांय 212 नुवो गौदाम ई बणाया जा रह्या है। इंर् सागे ई किसानां अर ढांढ़ा-ढोर राखण वाळां ने डेयरी ऊं जुड़्या काम-काज सारू एक लाख रूप्या तांई रो बिना ब्याज रो कम मियाद रो कर्ज मुहैया करायो जा रह्यो है।

 

सबसे अधिक पढ़ा गया

सभी देखें