कृषि मंत्री किरोड़ीलाल मीणा बुधवार ने सिरोही ज़िला रा स्वरूपगंज मांय नकली बायो डीजल रो कारखानो पकड़्यो। कार्यवाही रे दौरान मोटी तादाद मांय नकली बायो डीजल पकड़ी ज्यो। ईं कारखाना मांय टैक्स चोरी ऊं जुड़ी गड़बड़ियां ई सामी आई है। कृषि मंत्री कारखाना परिसर रो दौरो कर र अहलकारां ने जांच रा हुकम दीना। ध्यानजोग है के श्री मीणा री अगुवाई मांय लारला कुछ दिनां ऊं न्यारी-न्यारी ठोडां मिलावटी खाद बणावण अर अमानक बीज बेचण वाळां रे खिलाफ कार्यवाही करी जा रही है। दूजी कानी प्रदेश कांग्रेस अध्यक्ष गोविंद सिंह डोटासरा राज्य सरकार ऊं मिलावटी खाद रा मामलां री जांच करण री मांग कीनी है।