ऑपरेशन सिंदूर रा तैत भारत री फौज कानी ऊं करी ज्या बेहतरीन काम रो मान करण सारू प्रदेश मांय तिरंगा यात्रावां निकाळी जा रही हैं। चूरू मांय सोमवार ने निकाळी ज्यी तिरंगा यात्रा मांय मोटी तादाद मांय पैली वाळा फौजी, सामाजिक अर सांस्कृतिक संगठनां रा कार्यकर्ता अर जनता शिरकत कीनी। विधानसभा मांय विपख रा पैली वाळा नेता राजेन्द्र राठौड़ ई ईं यात्रा मांय शिरकत कीनी। डूंगरपुर मांय ई सोमवार ने तिरंगा यात्रा निकाळी ज्यी। लक्ष्मण मैदान ऊं सरू व्ही ईं यात्रा मांय न्यारा-न्यारा संगठनां रा सदस्य देशभक्ति रा नारा लगाता थकां शिरकत कीनी। जयपुर मांय मंगलवार ने सिंदूर यात्रा निकाळी जावेला। सांसद मंजू शर्मा बतायो के आ यात्रा महिलावां ने मज़बूत बणावण ने समर्पित व्हेला। इण मांय नारी शक्ति, संस्कृति अर हिम्मत रो संगम निजर आवेला।