एशियन डवलपमेंट बैंक-एडीबी भारत मांय 86 हजार करोड़ रिप्या रो निवेश करण री प्रतिबद्धता जताई है। ईं रकम ने आवता पांच सालां मांय शहरी आधारभूत सुविधावां रो विकास करण मांय काम मांय ली जाएला। इण मांय पाणी री सप्लाई, स्वच्छता, रहवास अर मैट्रो रेल विस्तार भेळा है। एडीबी रा प्रेसीडेंट मसातो कांडा दीतवार ने नुवी दिल्ली मांय प्रधानमंत्री नरेन्द्र मोदी ऊं मुलाकात कीनी। प्रधानमंत्री श्री मोदी सोशल मीडिया प्लेटफॉर्म माथे एडीबी अध्यक्ष री पोस्ट ने शेयर करता लिख्यो के मीटिंग मांय केई मुद्दां माथे चर्चा करीजी। लारला दशक मांय भारत मांय व्हीया बदलाव ने अनगिणत लोगां मजबूत बणाया है अर विकास जातरा मांय गति लावण रो काम करयो जावे। वठे ई श्री कांडा आपरी पोस्ट मांय लिख्यो के विकसित भारत 2047 रो विजन महत्वकांक्षी है। एडीबी ई लगस रो समर्थन करे है। वणा लिख्यो के भारत एडीबी रो मजबूत साझेदार है अर एडीबी भारत रा समावेशी विकास मांय मदद करेला।