उपराष्ट्रपति चुणाव बाबत् मंगलवार ने वोट पड़्या। संवारे दस बज्यां सरू व्ह्यो वोट देवण रो काम सिज्यां पांच बज्यां तांई चाल्यो। प्रधानमंत्री नरेन्द्र मोदी सब ऊं पैली संसद भवन परिसर मांय ईं चुनाव सारू वोट दीनो। वोटां री गिणती मंगलवार ने सिज्यां छह बज्यां सरू व्हे ग्यी। नतीजा रो ऐलाण मंगलवार ने ई कर्यो जावण रा आसार है। उपराष्ट्रपति रो चुनाव संसद रा दोन्यू सदनां रा सदस्यां वाळो निर्वाचक मंडल करे है। इण मांय गुप्त मतदान री प्रक्रिया काम ली जावे है। मौजूदा दौर मांय लोकसभा मांय 542 अर राज्यसभा मांय 239 सदस्य है। ईं दफा उपराष्ट्रपति चुनाव मांय 391 वोट लेवण वाळो उम्मीदवार जीत हासिल करेला। चुनाव मांय एनडीए रा सी.पी. राधाकृष्णन अर इंडिया गठबंधन रा बी. सुदर्शन रेड्डी बीचे मुकाबलो है। ईं साल जुलाई महीना मांय स्वास्थ्य कारणां रो हवालो देता थकां वां बगत रा उपराष्ट्रपति जगदीप धनखड़ रे इस्तीफो देवण रे कारण ओ चुनाव करायो जा रह्यो है।