उपमुख्यमंत्री दीया कुमारी मंगलवार ने झुन्झुनू ज़िला रा दोरासर गांव री सैनिक स्कूल मांय नुवो बणायी ज्यो लड़कियां रो छात्रावास जनता ने सूंप्यो। ईं मौके उपमुख्यमंत्री टबरियां सागे बातचीत ई कीनी। ईं पाछे दीया कुमारी शौर्य उद्यान रो दौरो कीनो। खबरनवीसां सागे बातचीत करता थकां वे कह्यो के शौर्य उद्यान ने ओजू बणायो जावेला ताकि वीर फौजियां अर शहीदां री यादां सहेज र राख्यी जा सके। उपमुख्यमंत्री कह्यो के शेखावाटी हलका री हवेलियां ने बचा र राखण री योजना बणायी जा रही है।