उपमुख्यमंत्री दिया कुमारी कयो है कि प्रदेश मांय ऑफ सीजन रे चालता पर्यटन उद्योग ने गति देवण खातिर राज्य सरकार प्रतिबद्ध है अर बारिश रे मौसम मांय भी पर्यटन गतिविधियां बधाबा खातिर नवाचार कर्या जा रह्या है। दीतवार ने भीलवाड़ा रा गुलाबपुरा मांय पर्यटन महकमो, महिला बाल विकास अर सार्वजनिक निर्माण महकमा रा अहलकारां रे साथे बैठक मांय उपमुख्यमंत्री सरकार री फ्लैगशिप योजनावां ने जमीं माथे उतारण रा हुकम दिया। वणा कयो कि वे ऐडी ही बैठकां हर जिले मांय लेवेला, जिण सूं सही स्थिति सामी आ सके। उपमुख्यमंत्री बिरखा रे चालता टूटी सड़कां, क्षतिग्रस्त भवनां अर दूजी समस्यावां रे प्रति स्थानीय जनप्रतिनिधियां सूं अहलकारां ने अवगत कराणे रे कयो। वणा अहलकारां ने फील्ड मांय नियमित मॉनिटरिंग करणे अर गुणवत्तापूर्ण अर बखत माथे काम नी करण वाळा ठेकेदार ने ब्लैकलिस्ट करणे रा भी हुकम दिया।