आकाशवाणी दीतवार ने आपरी सेवा रा 90 बरस पूरा कर लिया है। बरस 1936 मांय 8 जून ने दीतवार रा ही दिन भारतीय राजकीय प्रसारण सेवा रो नाम बदळ र ऑल इण्डिया रेडियो कर्यो गयो हो। ओ देश रा सांस्कृतिक, सूचना अर प्रसारण इतिहास मांय एक ऐतिहासिक क्षण हो। स्वतंत्रता रे पाछे एआईआर रो तेजी सूं विस्तार व्ही अर 1956 मांय ई ने आकाशवाणी नाम दियो गयो। आज आकाशवाणी 591 स्टेशनां रो संचालन करे है जका भारत री 98 फीसदी आबादी तांई 23 भाषावां अर 146 बोलियां मांय प्रसारण करे है। आकाशवाणी रो विदेश सेवा प्रभाग सौ सूं भी बत्ती देशां मांय भारत री आवाज ने विश्व स्तर माथे प्रसारित करे है। बहुजन हिताय बहुजन सुखाय रे आपरे आदर्शां माथे चालता व्हीया आकाशवाणी रो समाचार सेवा प्रभाग देश रा नागरिकां ने नुवी सूचनावां अर विश्वसनीय खबरां पहुंचा रियो है।