यमुना नदीत सोडलं जाणाऱ्या सांडपाण्याचं प्रमाण आणि ते सोडण्याच्या आधी त्यावर शुद्धीकरण प्रक्रिया केली जात आहे कि नाही याची प्रत्यक्ष तपासणी आवश्यक आहे, असं प्रधानमंत्री नरेंद्र मोदी यांनी म्हटलं आहे. यमुना नदीची सद्यपरिस्थिती आणि तिच्या पुनरुज्जीवनासाठी आखलेल्या योजनांचा आढावा घेण्यासाठीची बैठक आज नवी दिल्लीत मोदी यांच्या अध्यक्षतेखाली झाली, त्यावेळी ते बोलत होते.