गुजरात, आंध्र प्रदेश आणि ओदिशामध्ये आज मुसळधार पाऊस पडेल असा अंदाज हवामान खात्यानं व्यक्त केला आहे. तर बिहार, ओदिशा, हिमाचल प्रदेश, झारखंड, जम्मू काश्मीर, उत्तराखंड, आसाम, मणिपूर आणि पश्चिम बंगाल मध्ये उद्या मेघगर्जनेसह मध्यम स्वरूपाचा पाऊस पडण्याची शक्यता आहे. केरळ मध्ये उष्ण आणि दमट हवामान राहील, असं वेधशाळेनं कळवलं आहे. छत्तीसगढ, पूर्व मध्य प्रदेश, गुजरात, ओदिशा आणि उत्तराखंड इथं आज गारपीट  होण्याचा अंदाज आहे.