March 26, 2025 3:10 PM
44
दक्षिण कोरियात वणव्यामुळे १८ जणांचा मृत्यू, १९ जखमी
दक्षिण कोरियाच्या आग्नेय भागात लागलेल्या वणव्यामुळे किमान १८ जणांचा मृत्यू झाला तर १९ जण जखमी झाले आहेत. सुमारे २३ हजारांहून अधिक जणांना बाहेर काढण्यात आलं असून शेकडो इमारतींचं नुकसान झालं आहे. अनेक वारसास्थळांचंही या वणव्यामुळे नुकसान झालं असून त्यात तेराशे वर्षं जुन्या बौद्ध मंदिराचाही समावेश आहे. वणवा आटोक्यात आणण्यासाठी अग्निशमन दलाचे हजारो जवान आणि पाच हजार लष्करी कर्मचारी तैनात करण्यात आले आहेत. या वणव्यामुळे दक्षिण कोरियाचं १७ हजार हेक्टर परिसरातलं जंगलही नष्ट झालं आहे.
