शिवसेना उद्धव बाळासाहेब ठाकरे पक्षाचे सिंधुदुर्ग जिल्हाप्रमुख संजय पडते यांचा राजीनामा

शिवसेना उद्धव बाळासाहेब ठाकरे पक्षाचे सिंधुदुर्ग जिल्हाप्रमुख संजय पडते यांनी पदाचा राजीनामा दिला आहे. कुडाळ इथं आज झालेल्या वार्ताहर परिषदेत पडते यांनी राजीनाम्याची घोषणा केली. पक्षात सध्या सुरू असलेल्या घडामोडी पाहता आपल्याला काम करणं अशक्य असल्याचं पडते यांनी यावेळी सांगितलं. आंगणेवाडीच्या यात्रेनंतर आपण पुढची भूमिका ठरवणार असल्याचंही त्यांनी स्पष्ट केलं.