विरोधी पक्षनेते राहुल गांधी यांनी आज एक दिवसीय मणिपूर दौरा केला. यावेळी त्यांनी आसामच्या कचार इथल्या पूरग्रस्त कुटुंबांची भेट घेतली. त्यानंतर त्यांनी जिरीबाम जिल्ह्यात आश्रयाला आलेल्या हिंसाचारग्रस्त कुटुंबांशी संवाद साधला. इन्फाळला भेट दिल्यानंतर राहुल गांधी चुराचांदपूरकडे   रवाना झाले. तिथे मदत केंद्रांना भेट दिल्यावर  ते बिष्णुपूर जिल्ह्यातल्या मदत केंद्रातल्या कुटुंबांशी संवाद साधतील. दौऱ्याच्या अखेरच्या टप्प्यात ते मणिपूरच्या राज्यपाल अनुसुया उईके यांची भेट घेणार आहेत.