पोप फ्रान्सिस यांच्यावर आज रोममध्ये बेसिलिका ऑफ सँता मारीया मेगर इथं कार्डिनल जिओव्हॅनी बॅटिस्टा रे यांच्या उपस्थितीत अंत्यसंस्कार करण्यात आले. व्हॅटिकन सिटी इथून निघालेल्या या अंत्ययात्रेत राष्ट्रपती द्रौपदी मुर्मू, अमेरिकेचे राष्ट्राध्यक्ष डोनाल्ड ट्रम्प, फ्रान्सचे अध्यक्ष ईमॅन्युअल मॅक्रोन यांच्यासह इतर अनेक जागतिक नेते, धर्मगुरू तसंच लाखो नागरिक उपस्थित होते. सोमवारी पोप फ्रान्सिस यांचं निधन झालं होतं.