केरळमधे मलप्पुरम जिल्ह्यात पेरिंतलमन्ना इथल्या खासगी रुग्णालयात मृत्यू झालेला तरुण निपाह विषाणूबाधित असल्याचं स्पष्ट झालं आहे. पुण्याच्या राष्ट्रीय विषाणूशास्त्र संस्थेनं त्याच्या शरीरातले नमूने तपासल्यानंतर, त्याचा मृत्यू निपाह विषाणूमुळे झाल्याचं स्पष्ट केलं आहे. या विषाणूचा प्रसार रोखण्यासाठी पावलं उचलली असून, १६ विविध समित्या स्थापन केल्या असल्याचं केरळच्या आरोग्यमंत्री विणा जॉर्ज यांनी सांगितलं.