केंद्र सरकारनं सेबीचे नवे अध्यक्ष म्हणून केंद्रीय वित्त सचिव तुहीन कांत पांडे यांची नेमणूक केली आहे. मंत्रीमंडळाच्या नियुक्तीविषयक समितीनं काल याला मंजुरी दिली. त्यांचा कार्यकाळ ३ वर्षांचा असेल. विद्यमान अध्यक्ष माधवी पुरी बूच यांचा कार्यकाळ आज संपुष्टात येत आहे. त्या सेबीच्या पहिल्या महिला अध्यक्ष होत्या तसंच खासगी क्षेत्रातून नियुक्त केलेल्या पहिल्या व्यक्ती होत्या.