દક્ષિણ આફ્રિકા: સોનાની ખાણમાંથી 82 લોકોને બચાવાયા, હજુ સેંકડો ફસાયા હોવાની આશંકા

દક્ષિણ આફ્રિકામાં બચાવ ટીમોએ બે દિવસના બચાવ કામગીરીમાં ગેરકાયદેસર સોનાની ખાણમાંથી 82 જીવિત લોકોને સલામત બહાર કાઢ્યા છે, જ્યારે 36 મૃતદેહોને પણ બહાર કાઢ્યા છે. ખાણમાં હજુ પણ સેંકડો લોકો ફસાયેલા હોવાની આશંકા હોવાથી બચાવ કામગીરી ચાલુ છે. સ્થાનિક અધિકારીઓએ જણાવ્યું હતું કે 82 બચી ગયેલા લોકોની ગેરકાયદેસર ખાણકામ, અતિક્રમણ અને સ્થળાંતર કાયદાના ઉલ્લંઘનના આરોપસર ધરપકડ કરવામાં આવશે. ગયા વર્ષે ઓગસ્ટમાં, પોલીસે દેશમાં ગેરકાયદેસર ખાણકામ સામે કાર્યવાહી શરૂ કરી હતી. ખાણકામ કરનારાઓને બહાર લાવવા માટે મહિનાઓ સુધી...