શાળા અને કોલેજની યુવતીઓને ટાર્ગેટ કરીને ઓનલાઇન વોટ્સએપ હેક કરી છેતરપીંડી આચરતા આરોપીને ઝડપી લેવાયો છે.રાજ્ય સાયબર સેલની ટીમે મધ્યપ્રદેશના આ આરોપીની ધરપકડ કરી હતી.
આરોપીની પ્રાથમિક પૂછપરછમાં ગુજરાત સહિત વિવિધ રાજ્યોની ૧૦૦થી વધુ યુવતીઓ સાથે છેતરપિંડી આચરી હોવાનું તેણે કબૂલ્યુ હતું. આરોપીની સઘન પૂછપરછ શરૂ કરી આ ગેંગના તેના અન્ય સૂત્રધારોને પકડવા સાયબર ક્રાઇમ સેલે  તજવીજ હાથ ધરી છે. સ્ટેટ સાયબર ક્રાઇમ સેલના એસ.પી. ધર્મેન્દ્ર શર્માએ આવા સાયબર છેતરપીંડી કરનારા તત્વોથી સાવચેત રહેવા લોકોને અપીલ કરી હતી.