રેલવે વિભાગ આગામી મહિનાની 28મી તારીખથી શરૂ થનારા રોમાંચક ‘ભારત-ભૂતાન મિસ્ટિક માઉન્ટેન ટૂર’ માટે ભારત ગૌરવ ડિલક્સ એર-કન્ડિશન્ડ ટૂરિસ્ટ ટ્રેન ચલાવશે.આકાશવાણી સમાચાર સાથે વાત કરતા રેલવે બોર્ડના માહિતી અને પ્રચારના કાર્યકારી નિયામક દિલીપ કુમારે જણાવ્યું હતું કે દિલ્હીના સફદરજંગ સ્ટેશનથી શરૂ થતી 14 દિવસની ટૂર ગુવાહાટી, શિલોંગ અને ચેરાપુંજી થઈને પશ્ચિમ બંગાળના હાસીમારા રેલ્વે સ્ટેશન પહોંચશે, જ્યાંથી પ્રવાસીઓને રોડ માર્ગે ફુએન્તશોલિંગ લઈ જવામાં આવશે, જ્યાંથી તેઓ ભૂટાનમાં પ્રવેશ કરશે. તેમણે કહ્યું કે પ્રવાસ દરમિયાન પ્રવાસીઓ થિમ્પુ, પુનાખા અને પારોની મુલાકાત લેશે, જે તેમના કુદરતી સૌંદર્ય અને પવિત્ર સ્થળો માટે પ્રખ્યાત છે. પ્રવાસીઓ પ્રવાસ કાર્યક્રમ મુજબ અન્ય ઘણા સ્થળોની પણ મુલાકાત લેશે. તેમણે કહ્યું કે ટ્રેનમાં 150 મુસાફરોની બેઠક ક્ષમતા હશે. પ્રવાસીઓ IRCTC વેબસાઇટ દ્વારા ટિકિટ બુક કરાવી શકે છે.