બિહારમાં, ગઈકાલે સાંજે સિવાન જિલ્લામાં ભારે પવન અને વરસાદ સંબંધિત ઘટનાઓમાં ઓછામાં ઓછા સાત લોકોના મોત થયા હતા. સિવાન જિલ્લામાં ભારે પવન અને વરસાદે વ્યાપક વિનાશ સર્જ્યો હતો. ઝડપી પવનને કારણે અનેક વૃક્ષો અને દિવાલો ધરાશાયી થઈ હતી. લખદીનાબીગંજ તાલુકાના બાજીતપુર ગામમાં, એક વૃક્ષ ચાલતા વાહન પર પડવાથી એક સ્થાનિક રહેવાસીનું મોત નીપજ્યું હતું. તે જ વિસ્તારમાં ભારે પવન દરમિયાન અલગ અલગ ઘટનાઓમાં બે મહિલાઓએ પણ પોતાના જીવ ગુમાવ્યા હતા.બસંતપુર તાલુકામાં, વરસાદ અને ભારે પવન દરમિયાન વૃક્ષ અને દિવાલ ધરાશાયી થવાથી ત્રણ લોકોના મોત થયા હતા. જીબી નગર પોલીસ મથક વિસ્તારમાં એક વૃદ્ધ મહિલાએ તેના ઘાસના ઘર પર એક મોટું વૃક્ષ ધરાશાયી થતાં પોતાનો જીવ ગુમાવ્યો હતો. ઉત્તર બિહાર અને રાજ્યના પશ્ચિમ ભાગમાં ભારે પવન, વરસાદ અને વીજળી પડવાની સંભાવના સહિત પ્રતિકૂળ હવામાનને ધ્યાનમાં રાખીને આપત્તિ વ્યવસ્થાપન વિભાગે લોકોને સતર્ક રહેવા અપીલ કરી છે.