કેન્દ્રીય ગૃહમંત્રી દક્ષતા પદક વર્ષ 2024 માટે વિવિધ રાજ્યો અને કેન્દ્રશાસિત પ્રદેશોના 463 કર્મચારીઓને એનાયત કરાયા છે. જેમાં કેન્દ્રીય સશસ્ત્ર પોલીસ દળો અને કેન્દ્રીય પોલીસ સંગઠનોના કર્મચારીઓને આ એવોર્ડ એનાયત કરવામાં આવ્યા છે.
આ ચંદ્રક ઉત્તમ કાર્યને બિરદાવવા, ઉચ્ચ વ્યાવસાયિક ધોરણોને પ્રોત્સાહિત કરવા અને મનોબળને મજબૂત બનાવવા માટે અપાય છે.
આ વર્ષે પહેલી ફેબ્રુઆરીએ ગૃહ મંત્રાલય દ્વારા કેન્દ્રીય ગૃહમંત્રી દક્ષતા પદકની જાહેરાત કરવામાં આવી હતી. મંત્રાલયે કહ્યું કે, દર વર્ષે 31 ઓક્ટોબરે સરદાર વલ્લભભાઈ પટેલની જન્મજયંતિના અવસરે આ ચંદ્રક માટેની જાહેરાત કરાશે.
આ પુરસ્કાર પોલીસ દળો, સુરક્ષા સંગઠન, ઈન્ટેલિજન્સ વિંગ, નેશનલ સિક્યોરિટી ગાર્ડના સભ્યોને ઓપરેશન્સમાં શ્રેષ્ઠતા, અસાધારણ કામગીરી, અદમ્ય અને હિંમતવાન ગુપ્તચર સેવાને ધ્યાનમાં રાખીને એનાયત કરવામાં આવશે.