ભારત આજે મુંબઈના જિયો વર્લ્ડ કન્વેન્શન સેન્ટર ખાતે પ્રથમ વર્લ્ડ ઓડિયો વિઝ્યુઅલ એન્ટરટેઈનમેન્ટ સમિટ (WAVES) 2025નું આયોજન કરશે. પ્રધાનમંત્રી નરેન્દ્ર મોદી ચાર દિવસીય સમિટનું ઉદ્ઘાટન કરશે. આ કાર્યક્રમ ઓડિયો-વિઝ્યુઅલ અને મનોરંજન ઉદ્યોગના ભવિષ્યની ચર્ચા માટે એક વૈશ્વિક પ્લેટફોર્મ પૂરું પાડશે. ‘કનેક્ટિંગ ક્રિએટર્સ, કનેક્ટિંગ કન્ટ્રીઝ’ ટેગલાઇન સાથેની આ સમિટ ભારતને મીડિયા, મનોરંજન અને ડિજિટલ નવીનતા માટે વૈશ્વિક કેન્દ્ર તરીકે સ્થાન આપવા માટે તૈયાર છે. આ સમિટ ફિલ્મો, OTT, ગેમિંગ, કોમિક્સ, ડિજિટલ મીડિયા, આર્ટિફિશિયલ ઇન્ટેલિજન્સ, બ્રોડકાસ્ટિંગ અને ઉભરતી ટેકનોલોજીને એક મંચ પર લાવશે. ભારતના મીડિયા અને મનોરંજન કૌશલ્યનું વૈશ્વિક સ્તરે મંચ પુરૂ પાડનારી આ સમિટ દરમિયાન પ્રધાનમંત્રી મોદી ક્રિએટોસ્ફિયરની પણ મુલાકાત લેશે અને 32 ક્રિએટ ઇન ઇન્ડિયા ચેલેન્જમાંથી પસંદ કરાયેલા સર્જકો સાથે વાર્તાલાપ પણ કરશે.