ઉચ્ચ અને ટૅક્નિકલ શિક્ષણ મંત્રી ઋષિકેશ પટેલે સંસ્કૃત ભાષા શીખવાની જરૂરિયાત પર ભાર મૂક્યો છે. ગીર સોમનાથ જિલ્લાના વેરાવળમાં આવેલી શ્રી સોમનાથ સંસ્કૃત વિશ્વ-વિદ્યાલય ખાતે ગઈકાલે સોમેશ્વર કુમાર છાત્રાવાસ તથા નટેશ્વર રંગમંચનું ખાતમુહૂર્ત કરતા શ્રી પટેલે આ મુજબ જણાવ્યું હતું. તેમણે કહ્યું, શિક્ષણથી લઈ ધન્વંતરિના આરોગ્ય સુધીના જ્ઞાનને સંસ્કૃત ગ્રંથોમાં સમાહિત કરાયેલું છે, ત્યારે આજે સંસ્કૃત શીખવાની જરૂર છે. સંસ્કૃત એ ટકાવારીનો વિષય નહીં, પરંતુ શીખવાનો વિષય બનવું જોઈએ.