અમેરિકાના ઉપરાષ્ટ્રપ્રમુખ જે.ડી. વાન્સ આવતીકાલથી ભારતની ચાર દિવસની સત્તાવાર મુલાકાતે આવશે. વિદેશ મંત્રાલયે એક નિવેદનમાં જણાવ્યું કે, શ્રી વાન્સની આ પહેલી ભારત મુલાકાત હશે. તેમના રોકાણ દરમિયાન, તેઓ સોમવારે પ્રધાનમંત્રી નરેન્દ્ર મોદી સાથે મુલાકાત કરશે. ઉપરાષ્ટ્રપ્રમુખ અને તેમના પ્રતિનિધિમંડળ દિલ્હીમાં અનેક કાર્યક્રમોમાં પણ ભાગ લેશે. જ્યારે જયપુર અને આગ્રાની પણ મુલાકાત લેશે.આ મુલાકાત બંને પક્ષોને દ્વિપક્ષીય સંબંધોમાં પ્રગતિ અને આ વર્ષે
13 ફેબ્રુઆરીના રોજ પ્રધાનમંત્રીની અમેરિકા મુલાકાત દરમિયાન જારી કરાયેલા ભારત-અમેરિકા સંયુક્ત નિવેદનના પરિણામોના અમલીકરણની સમીક્ષા કરવાની તક પણ પૂરી પાડશે. બંને પક્ષો પરસ્પર હિતના પ્રાદેશિક અને વૈશ્વિક વિકાસ પર પણ વિચારોનું આદાન-પ્રદાન કરશે.