কেন্দ্রীয় স্বাস্থ্য সচিব অপূর্ব চন্দ্ৰাই কৈছে যে, ভাৰতৰ প্ৰধান প্ৰমূল্য আৰু বসুধৈৱ কুটুম্বকম অৱধাৰণা, বিশ্ব স্বাস্থ্য সভা- WHAৰ বিষয়বস্তু স্বাস্থ্যৰ বাবে সকলো, সকলোৰে বাবে স্বাস্থ্যৰ অনুৰূপ। ছুইজাৰলেণ্ডৰ জেনেভাত অনুষ্ঠিত বিশ্ব স্বাস্থ্য সভাৰ কমিটি-Aক সম্বোধন কৰি শ্ৰীচন্দ্ৰাই কয় যে, ভাৰতে ক’ভিড-১৯ মহামাৰীৰ সময়ত সমগ্ৰ বিশ্বক সহায় কৰি এখন বিশ্ব, এটা পৰিয়ালৰ ধাৰণা সাকাৰ ৰূপ দিছে। – বিশ্ব স্বাস্থ্য সভা- WHAত তিনিখন মূল কমিটিৰ সত্ৰ আছে আৰু সেইসমূহ হৈছে – পূৰ্ণাংগ, কমিটি-A আৰু কমিটি-B। স্বাস্থ্য মন্ত্র্যালয়ে এখন বিজ্ঞপ্তিযোগে কৈছে যে, ভাৰতে কমিটি-Aৰ অধ্যক্ষতা কৰিব আৰু জনস্বাস্থ্যৰ জৰুৰীকালীন প্রস্তুতি তথা সঁহাৰি, জলবায়ু পৰিৱৰ্তন আৰু বিশ্ব স্বাস্থ্য সংস্থাৰ বাবে স্থায়ী বিত্তীয় যোগান আদিকে ধৰি বিভিন্ন কাৰ্যসূচী সম্বন্ধীয় বিষয় লৈ আলোচনাৰ সুবিধা প্ৰদান কৰিব।